نجلاء بدر تكشف عن سبب زعلها من محمد سامي وتتعرض لإصابة في رامز جاب من الآخر

شارك هذه المقالة مع أصدقائك!

كشفت الفنانة نجلاء بدر عن سبب زعلها من المخرج المصري محمد سامي وموقفها من زوجته مي عمر، وذلك في برنامج رامز جاب من الآخر.

نجلاء بدر في رامز جاب من الآخر 

وقالت نجلاء بدر في تصريحات يرصدها تحيا مصر موجهة حديثها لمي عمر: أنا مش زعلانة منك.. زعلانة من جوزك محمد سامي عشان شغل بينا.. شال نص دوري من مسلسل نسل الأغراب.

نجلاء بدر ومي عمر 

تصريحات محمد سامي 

من جانبه، قال محمد سامي في تصريحات تليفزيونية: لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر ولا بيحفظ، وده طبعا بيعطل زمايله.

وتابع: هو كده هيفشل ويفشلنا معاه، ويبقى ممثل جاي متأخر ومش مركز ويسلب حقوقنا كلنا، ويتخانق معاه مهما كان مين ونجوميته قد إيه؛ لأن النجوم الحقيقيين أصلا محترمين، وعمري ما اشتغلت مع نجم كبير ومكنش محترم، دايما المشاكل بتيجي من أنصاف الفنانين.

وأضاف: أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم.

واستكمل : والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى.

محمد سامي يتألق بمسلسل جعفر العمدة

وخاض محمد سامي، السباق الرمضاني المنصرم بمسلسل جعفر العمدة بطولة محمد رمضان، زينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، عماد صفوت، جورى بكر، طارق النهرى، أحمد عبد الله، إحسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر برعاية المتحدة للخدمات الإعلامية، وتدور الأحداث فى إطار اجتماعى شعبى، حول جعفر العمدة وهو في العقد الرابع من عمره، ولديه 3 زوجات، ويمتلك شركات للمقاولات ويدخل فى العديد من الصراعات سواء فى عمله أو بعيداً عن العمل، ثم يقابل خلال مشواره عايدة ويتعرف عليها وتنشأ بينهما قصة مليئة بالمفاجآت. 

‫0 تعليق