أهل الإمارات حبايبنا والشيخ محمد أخويا

شارك هذه المقالة مع أصدقائك!

تألق الفنان حسين الجسمي، بفقرة غنائية بمشاركة فتيات من ذوي الهمم، خلال فعاليات النسخة الخامسة من احتفالية قادرون باختلاف، التي انطلقت اليوم الأربعاء بمركز المنارة للمؤتمرات الدولية.

حسين الجسمي يشارك في احتفالية قادرون باختلاف 

وقال حسين الجسمي في تصريحات يرصدها تحيا مصر: صباح الخير فخامة الرئيس، صباح الخير الحضور الكريم، سعيد وفخور إني بين أهلي وناسي، وإني بحضر العيد الجميل هذا، عيد قادرون باختلاف الخامس.

حسين الجسمي 

حسين الجسمي يوجه رسالة للرئيس السيسي 

وتابع، سنة بعد سنة أشوف بعيني التطور والدعم والاهتمام والنجاح لأولادنا وبناتنا المصريين والمصريات من القادرون باختلاف، وده عمره ما يحصل إلا بدعم أبوهم في ضهرهم.

الفنان حسين الجسمي 

وأضاف، الرئيس السيسي خلى مصر كلها تبقى في ضهرهم، أتشرف كإماراتي مصري إني أكون ديمًا في ضهرهم عشان يا فخامة الرئيس أجدع ناس هما اللي بيقفوا في ضهر بعض، أتمنى أكون وصلت الرسالة.. المصري ميتقالوش لا.

الرئيس السيسي يرد على حسين الجسمي 

ليرد عليه الرئيس السيسي قائلًا، ده أنا اللي بشكرك على كلامك الجميل وأحاسيسك الجميلة إحنا فعلًا إخوات يا حسين، أنت متعرفش أهل الإمارات قد إيه هم حبايبنا ومتعرفش الشيخ محمد ده أخويا وحبيبي.. وأنت وجودك معانا رسالة متشكر جدًا ودايمًا مع بعض في كل خير.

هذا وحقق حسين الجسمي نجاح واسع بأغنية يارب تكون بخير عبر موقع الفيديوهات يوتيوب وتقول كلماتها:

كلمات أغنية يا رب تكون بخير

وتقول كلمات الأغنية:

يارب تكون بخير
دي أهم حاجه عندي
بعديها حاجات كتير
إنسى الزعل وعدِّي
بَعدك فضي المكان
وإتقفِّلت البيبان

يارب تكون تمام
اما لقيتَك واحشني
قُلت أبعتلك سلام
وأقول لك ليه حارمني
من الطيبة والأمان
وحبيبى بتاع زمان

ياما سافِرت معاك وجيت
وأدي صور على كُل حيط
عُمرك ما تقول نسيت
أنسى مين أنسى مين
حُب عُمر وذكريات
بينا عِشرة وأمُنيات
وإحنا لِسه للي فات
مُشتاقين

هكون معاك صَريح
ما نسيتشي ثانيه واحدة
بَعدك في ايه مُريح
بقى راحتى في أي وِحدة
بهرب من الجميع
الفُرقه شيء فظيع

بتابعك من بعيد

واللي فقلبك واصلني
مش حفضل أقول وأعيد
لو فاضي يا ريت قابلني
وإختار انت المكان
مكانا بتاع زمان

ياما سافِرت معاك وجيت
وأدي صور على كُل حيط
عُمرك ما تقول نسيت
أنسى مين أنسى مين
حُب عُمر وذكريات
بينا عِشرة وأمُنيات
وإحنا لِسه للي فات
مُشتاقين

‫0 تعليق