أنا مش ترزي.. علي جمعة يرد على حكم ارتداء الفتيات للبناطيل

شارك هذه المقالة مع أصدقائك!

أكد الدكتور علي جمعة، مفتي الديار المصرية السابق، أن شرط الحجاب ولبس الفتاة أنه لا يصف لا يكشف لا يشف.

جاء ذلك في رده على سؤال توجهت به طفلة إلى الدكتور علي جمعة، مفتي الديار المصرية السابق، حول إيه هى شروط اللى البس بها الحجاب واخد الاجر الكامل بس فى نفس الوقت غير الحجاب الشرعي؟.

شروط ارتداء الحجاب

وأوضح الدكتور علي جمعة، مفتي الديار المصرية السابق، خلال حلقة برنامج “نور الدين”، المذاع على قنوات الشركة المتحدة، اليوم الجمعة: “انا مش فاهم ايه الحجاب غير الشرعى، لكن الحجاب لازم يكون لا يصف لا يشف لا يكشف، تعملهم بقى زى ما هى عاوزه باى نوع لبس”.

وقاطعت الطفلة الشيخ قائلة: “فى بنات بتلبس بنطلونات واسعة هل دى تنفع”.

وأوضح: “لما سالوني زمان وانا فى الجامعة، عن البنطلونات المقطعة والى مش مقطعة، قولت لهم أنا مش ترزي عشان أقول إيه ينفع وإيه مينفعش، أنا بقول الأهم إنه لا يصف، لا يكشف، لا يشف”.

طفلة تسال ليه احنا نتحجب والولاد لأ؟. على جمعة: علشان أنتن جميلات

اجاب الدكتور علي جمعة، مفتي الديار المصرية السابق، على سؤال طفلة حول ليه احنا نتحجب والولاد لا؟. 

وقال الدكتور علي جمعة، مفتي الديار المصرية السابق، خلال حلقة برنامج “نور الدين”، المذاع على قنوات الشركة المتحدة، اليوم الجمعة: “البنات جمال والولاد مش جمال، فلازم يتحجبوا، ربنا خلقك جميلة وفاتنة ويا أرض اتهدى ما عليكى قدى، فربنا قالك علشان منعملش دوشة اتحجبي. فبقيتى أكثر جمالا وبهائا، فربنا قالك الجمال ده بتاعك انتى، وامرك بيدك انك تتحجبي أو لا”.

وتابع: “الولاد عندهم حجاب برضوا بس من السرة إلى الركبة”.

التعامل مع غير المحجبات

علق  الدكتور علي جمعة، مفتي الديار المصرية السابق، علي سؤال طفل حول لو زميلتي ليست محجبة اتعامل معها ولا لا؟. 

وأوضح الدكتور علي جمعة، مفتي الديار المصرية السابق،: “اتعامل معها ايه المشكلة، وسيدنا جعفر الصادق لما دخل بلاد ما وراء النهر، كان كل النساء ليسوا محجبات، بحكم أن الإسلام دخل قريب، والستات مش ملتزمين بالحجاب”. 

وتابع: “سيدنا جعفر الصادق، لما الناس سالوه نعمل ايه ونغض البصر ازاى، قال عادى نتعامل معهن ونغض البصر قدر المستطاع، ونتعامل معهم عادى من قبل المودة المأمورين بيها بين المؤمنين”. 

‫0 تعليق